أوقات كتير بنكون في الشغل او خارج البيت ونحتاج بسرعه نقل شي من الكومبيوتر الي التليفون او العكس فعلشان كده لقينا موقع snapdrop الموقع ده جميل كده وسهل الاستخدام من غير اي كابل usb او اي حاجة الموضوع بسيط واسهل من كل ده وكمان هنقولك الحل لو اثناء النقل كان الموقع بطيئ والتحميل استمر فترة طويلة
كيف تنقل ملفاتك بين الآيفون والكمبيوتر باستخدام Snapdrop؟
زمان كان نقل الملفات بين الآيفون والكمبيوتر وجع دماغ، إما بالكابلات أو ببرامج معقدة لكن دلوقتي، بفضل Snapdrop، تقدر تنقل أي ملف بسهولة وبدون ما تحتاج تحمل برامج إضافية. خليني أقول لك إزاي الموضوع بسيط جدًا!
إيه هو Snapdrop؟
ببساطة، Snapdrop هو موقع مجاني بيشتغل زي AirDrop المتواجد في الايفون و لكن مش كلنا معانا اجهزة MAC ، لكن ده بيشتغل على أي جهاز، سواء كان آيفون، أندرويد، ويندوز، أو حتى ماك. كل اللي تحتاجه هو إنترنت ومتصفح، وخلاص بكل سهولة
إزاي تستخدمه؟
- افتح Snapdrop.net على المتصفح من الكمبيوتر والآيفون.
- هتلاقي كل جهاز ظاهر باسمه على الشاشة ولكن لابد الجهازين يكونوا علي نفس شبكة WiFi.
- عايز تبعت ملف؟ اضغط على الجهاز اللي عايز ترسل له، واختار الملف.
- على الجهاز التاني، اضغط "تحميل" والملف كده هيكون علي جهازك خلاص
المزايا والعيوب
✔ سريع وسهل جدًا، ومش محتاج تثبيت أي حاجة.
✔ بيشتغل على أي نظام تشغيل.
✔ الملفات بتتنقل مباشرة بدون رفعها على الإنترنت، يعني أمان أعلى.
✖ لازم يكون الجهازين متصلين بنفس الشبكة (Wi-Fi).
✖ ما تقدرش تبعت ملفات ضخمة جدًا دفعة واحدة.
وده فيديو علي قناتنا علي اليوتيوب متواجد به شرج كامل للموقع وطريقة الاستخدام
تعليقات
إرسال تعليق
اذا كان الموضوع مفيد اليك تفضل بترك تعليقك